Peto por liberigo de la politikaj malliberuloj de
Hispanio kaj postuli justan elektadon en Katalunio
la 21-an de decembro

Direktita al:

Unuiĝintaj Nacioj, sinjoro António Guterres, Ĝenerala Sekretario de Unuiĝintaj Nacioj

La Eŭropa Konsilio, sinjoro Donald Tusk, Prezidanto de la Eŭropa Konsilio

Eŭropa Komisiono, sinjoro Jean-Claude Juncker, Prezidanto de la Eŭropa Komisiono

Post la referendumo pri la sendependeco de Katalunio kaj la posta sendependecdeklaro de la kataluna Parlamento, la hispana registaro eksigis la katalunan parlamenton, deponis la katalunan registaron, kaj arestis ok membrojn de la kabineto, inkluzive de ĝia vicprezidanto. Kvankam Hispanio provis ekstradicii la prezidanton de Katalunio kaj la ceterajn kvar ministrojn, kiuj nuntempe estas en Belgio por garantii justan juĝan procezon, ĝis nun la hispana registaro ne sukcesis. La komparo, fare de la hispana prokuroro, de la referendumo de la 1-a de oktobro pri kataluna sendependeco kun “armita puĉo” malkaŝas la neelteneblan pozicion de Hispanio.

La apelacio de la hispana registaro al la jur-ŝtato ne povas kaŝi politikan persekutadon de amplekso kaj intenseco ne vidata ekde la diktaturo de Franco. La evidenta celo de la registaro estas ne nur timigi la katalunan popolon per cenzuro, arestoj kaj minacoj antaŭ la referendumo, sed ankaŭ per la senkontrola brutala polica perforto, suferita de pacaj voĉdonantoj la 1an de oktobro mem. Krome, ĉi tio daŭris ekde la referendumo, etendante juĝan persekutadon al funkciuloj, urbestroj, instruistoj, ĵurnalistoj kaj iu ajn, kiu esprimas pace siajn opiniojn ekzerce de la civitanaj demokratiaj rajtoj.

La hispana prezidento Mariano Rajoy kunvokis elektojn en Katalunio la 21-an de decembro, dum elstaraj membroj de sia registaro kaj la Senato samtempe deklaris sian intencon ignori ajnan venkon de la sendependismaj partioj. Eĉ sen la malliberigo de elstaraj politikaj gvidantoj kaj kandidatoj, ilia mistraktado en malliberejo kaj konstanta ekstrem-dekstra perforto kontraŭ ĵurnalistoj kaj civitanoj, la respondo de la hispana registaro malfacile kreas klimaton, en kiu justa kaj libera elektado estus konvene tenata.

Ĉar katalunoj insistas pri demokratia solvo al ĉi tiu konflikto, ili volonte decidas ĉi tiun aferon denove per balotado. Tamen, por ke tiu elektado estu honesta arbitracianto, iuj kondiĉoj devas esti plenumitaj, kaj tiel ni, la subskribintoj, petas al UN, Eŭropa Konsilio kaj Eŭropa Komisiono:

  • Ne plu toleri la nedemokratan konduton de Hispanio, inkluzive de la misuzo de la tribunaloj, la kontrolprenon de katalunaj registaraj institucioj, la polican perforton, kaj la deturniĝon al tiuj pli ol cent incidentoj de ekstrem-dekstra perforto, kiuj aperis post ĉiu unuiĝisma manifestacio.
  • Garantii la civilajn kaj politikajn rajtojn de la katalunoj kiel eŭropaj civitanoj, inkluzive de la libereco de kunveno, libereco de parolo kaj libereco de politika esprimo, kiuj nuntempe estas senpune malobservataj de la hispana ŝtato.
  • Postuli, ke Hispanio liberigu la dek politikajn malliberulojn nuntempe en hispanaj malliberejoj, kies urĝaj juĝoj kaj posta preventa prizon-gardado estas malobservo de eŭropa demokratio, kaj kies partopreno en la elektoj ne povas esti plenumita ekde malliberejo.
  • Certigi, ke oni ne malpermesu partopreni la elektadon nek iun ajn homon nek iun ajn partion en Katalunio, kaj ke Hispanio ne diktu, kiujn voĉdonajn programojn estas akcepteblaj.
  • Provizi akredititajn internaciajn observantojn por certigi, ke la elektoj de la 21-a de decembro en Katalunio efektiviĝu juste kaj honeste.

La sola paca solvo por la konflikto inter Hispanio kaj Katalunio estas demokratia. Estas tempo, ke la eŭropaj kaj internaciaj komunumoj uzu ilian aŭtoritaton tial, ke katalunaj civitanoj rajtu esprimi sian opinion pri la estonteco de sia lando, libere kaj demokratie sen timo de reprezalioj en la tribunaloj, de la polico aŭ de ekstrem-dekstraj aktivuloj.

Subskribu la peton!

Comments are closed.